Franskit assammik arsartartut OL-imi pissartanngortut
Danskit angutit assammik arsarlutit nunanut allanut unammisartut OL-imi pissartaanerminnut illersuisutut imminnut taasinnaajunnaarput.
Rio-mimi Brasiliamiittumi 2016-imi pissartanngornertik illersorniarlugu ullumi misiliigaluarput, unammisaalli Franskit 25-23-imik ajugaapput taamaalillutik OL-imi pissartanngorlutik.
Taakkua iligiit marluk Rio-mi 2016-imi aamma pissartanngorniutivinnermi unammipput, Danmark taamani 28-26-imik ajugaavoq.
Taakkua ullumi unammeqqinneranni Franskit siuaqqangaatsiartarput, unamminerulli immikkoortuata aapaata qitseqqunnerani danskit pissangatitsileraluarput.
Danskit unamminermi piffissaliussaq naaliivittoq naligiinnissamut periarfissaqarlutik saassussipput, isertitsigunik unammineq sivitsorneqartussaassagaluarpoq, arsarli annaavaat Franskillu ajuuffiit inoqannginneranni ajugaassutigisaminnik isertitsipput.
