Franskit aqqartartuutaat periarfeerussaq nassaarineqartoq
Aqqartartoq umiusimasoq 1968-imili tammaaneqartoq amerikamiut umiarsuaataannit namminersortumit nassaarineqarpoq.
Franskit illersornissamut ministeria, Florence Parly ataasinngornermi Twitterikkut nalunaaruteqarpoq.
- Aqqartartumik nassaarneq iluatsilluarpoq oqiliallannarlunilu teknikkikkullu ajugaaneruvoq, ministeri allaaserisaqarluni oqarpoq, nangillunilu:
- Ilaqutaasut ukiorpassuit utaqqisimasut eqqarsaatinniitippakka.
Aqqartartoq nassaarineqartoq, Frankrigip kujataatungaani Toulonimi 1968-imi januarip ulluisa 17-anni tammaaneqalerpoq, aqqartartumilu inuttaasut katillugit 52-iusimallutik.
Tamatuma kingunerisaanik iluatsinngitsumik ujaasisaqattaartoqartarsimagaluarpoq.
Umiartortut ilaqutaasa uteriinnerisigut umiarsuarmik teknikkikkut atortorissaaruteqarluartumik ujaasineq aallarteqqinneqarpoq iluatsillunilu.