Frankrigimi saassussisoq pinerliiniartartussaassangatinneqartoq
Frankrigip avannaani qimuttuitsuni saassussisoq politiit pinerliiniartutut pasillugu marsigarigaat, Franskit nutaarsiassaqartitsiviata AFP-p nalunaarutigaa.
Allattoq Nauja Møller
aggustip 22-at 2015 15:00
Qimuttuitsut sukkasuuliat Amsterdamip Parisillu akornanni ippassaq ingerlaarneranni angut sakkulisaroq ippassaq saassussimmat amerikamiunit pingasunit unitsinneqannginnermini inuit pingasut ikilerpai.
Pisumit filmiliaq uani takuuk.
Ritzau malillugu Bruxellesimi unnerluussisussaatitaasut oqaaseqartartuata oqaatigaa angut taanna 26-nik ukioqartoq marokkomillu kingoqqisuussoq, siornatigullu spaniami najugaqarsimasoq.
Franskit oqartussaasa angutip kinaanera ilisimavaat, spaniami isertortumik paasiniaasartunit pinerliiniartartuussasoq ilimagimmassuk.
Belgiami unnerluussisussaatitaasut maanna saassussineq misissuleruttoraat, Ritzau nalunaarpoq.
