Frankrigimi oqartussat nukappiaqqamik marlunnik ukiulimmik ujaasinertik unitsikkaat
Nukappiarannguaq marlunnnik ukiulik, Emile, Frankrigimi illoqarfeeqqami Haut-Vernetimi 25-t missaannik innuttaqartumi arfininngormat tammarpoq.
Frankrigimi oqartussaasut nukappiaqqamik ulluni sisamani ujaasereerlutik ujaasinertik pingasunngormat unitsippaat.
Emile illoqarfeeqqami Haut-Vernetimi aatakkuminiitsilluni tammarpoq. Kingullermik takuneqarpoq Haut-Vernetimi aqqusinikkut kisimiilluni pisuttoq.
Emile ujaarineqaraluartoq sumiissinnaaneranik takussutissaqanngimmat ujaarineqarnera unitsinneqartoq, Haut-Vernetimi unnerluussisussaatitaasoq Remy Avon ilisimatitsivoq.