Frankrigimi innuttaasut aneqqusaajunnaarallartitaasut - aamma ukiutoqqami

Frankrig sapaatit akunnerini arfinilinni matoqqareerluni maleruaqqusanik qasukkaapput, taamaakkaluartoq unnukkut arfineq pingasut kingorna aninissamik inerteqquteqalerlutik.

Corona siaruatsaaliniarlugu taamaaliorput.

Aneqqusaannginnermut maleruagassat decembarip ulluisa 15-ianni atuutilertussat ukiutoqqami aamma atuutissapput.

Ilaqutariilli juulliaqqap unnukkuani arfineq pingasunut angerlanngikkaluarlutik ataatsimoorsinnaatitaapput.

Franskit ministeriunerat, Jean Castex, sisamanngornermi unnukkut taama ilisimatitsivoq.

AAMMA ATUARUK Macronip Parisimi illoqarfinnilu innuttaasut aneqqusaajunnaarallartikkai

Neriniartarfiit imerniartarfiillu taavalu filmertarfiit, isiginnaartitsisarfiit katersugaasiviillu sapaatit akunnerini pingasuni tulliuttuni suli matoqqassasut, taassuma ilanngullugu oqaatigaa.

Tamakku tamaasa sapaatit akunnerata tulliani ammarneqarnissaat pilersaarutaagaluarpoq. Tunillanneqarsimasulli amerlajuarsinnarmata sivitsorneqartoq, præsident Emmanuel Macron oqarpoq.

Aneqqusaannginnermut maleruagassat Frankrigimi nunami tamarmi unnukkut nalunaaqutaq arfineq-pingasuniit ullaakkut nalunaaqutaq arferngup tungaanut atuuttassapput.

Maleruagassanik nutaanik unioqqutitsineq 1000 koruunit missaannik akiliisinneqarnermik kinguneqarsinnaavoq.