VIDEO Amerikamiut qinerseriaasiat uani atuarneqarsinnaavoq
Præsidentimulli taasisussat - qallunaatut valgmandit - qinerneqarnerpaat ajugaasarput.
Amerikami præsidentinngortussaq qinersisartunit toqqaannartumik qinerneqarneq ajorpoq, præsidentimulli taasisussanik qinersisarlutik.
Aamma atuaruk :qineqqusaarneq-peqqarniitsoq-immikkullu-ittoq
Taasisussat 538-niupput.
Amerikami præsidentimut taasisussat qinerneqaraangamik inatsisartuni kongressemi inissanut marlunnut qinerneqartarput - ilai senatimut allat reprænsentanternes husimut qinerneqarlutik.
Amerikami naalagaaffiit mikinerusut pingasunik taasisussanik qinigassanngortitaqartarput, naalagaaffik anginerpaaq Californien taasisussanik 55-nik qinigassanngortitaqartarpoq.
Præsidentimut qinigassanngortittoq qinigaasinnaavoq taasisussat tapersersuisut, ikinnerpaamik 270-init qinerneqarsimappata.
Aamma atuaruk :simon-lynge-inuit-nanertisimarrapput
Naalagaaffinni 48-ni præsidentimut qinigassanngortittup taasisussat qinigaanerpaat taasinissaat tamaasa pisarpai naalagaaffinnili Nebraskami aamma Mainemi taasissat ajugaaneq ajorsarnerluunniit apeqqutaatinnagu taasinissatik pigiinnartarlugit.
Kisianni imaanngilaq præsidentimut qinigassanngortittoq nuna tamakkerlugu taasiseqarnerpaaq aammaa ajugaassasoq.
Ukioq 2000-mi qinersisoqarmat republikaanereq George W. Bush qinigaavoq, demokraatit qinigassanngortitaat Al Gore nuna tamakkerlugu halv millioninit qinerneqarnerugaluartoq.
Taasisussat naalagaaffinni ataasiakkaani qinersiniarlutik decembarimi naapissapput, qinersinerullu inernera inatsisartuni arlariinni ataatsimoorluni naapinnermi ilumoortuunerarneqassaaq
USA-mi præsidentinngortussaq jannuaarip ulluisa 20-anni aappaagu ivertinneqassaaq.
Are you unclear how America elects its president? Watch our guide to how the US electoral college works pic.twitter.com/f1BOwIP7F2
— Financial Times (@FT) November 8, 2016