USA-mi qinersineq 2016 Qineqqusaarneq peqqarniitsoq immikkullu ittoq
Kalaaleq qanittoq tikillugu USA-mi najugaqartoq oqarpoq, qineqqusaarneq immikkut illuinnartuusoq.
- Hillary Clintonip misilittagai eqqarsaatigalugit, soorlu sallusarneri isertuussisarsimaneri kukkusarnerilu pillugit ajorsartaraluarput, Hans Peder Kirkegaard taama oqarpoq taassuma aamma oqaluttuaraa, Hillary Clintonip unammillertaata Donald Trumpip piviusunik oqalussinnaanini ajornartorsiutigigaa, ilumoortuunngitsunillu oqaluttarnini pillugu arlaleriarlugu paasineqartartoq.
USA-mi præsidentimut qinersisoqarnerani qinigassanngortittuni nuannarineqannginnerpaat kisimik pineqanngillat , Syddansk Universitetimimi Amerika pillugu ilisimatusarfimmi rektorip-ip Jørn Brøndahlip oqarnera naapertorlugu USA-p oqaluttuarisaanerani qinigassanngortittuni ajorniarumatunerpaat ilaat qineqqusaarput.
Aamma atuaruk : simon-lynge-inuit-nanertisimarrapput
Taama oqartoqarnera Hans Peder Kirkegaardip isumaqatigaa, qineqqusaartoqarneranimi oqaaserineqartartut pitsaanngitsut atorneqartarput.
- Qineqqusaartut qineqqusaarnerminni naluneq ajorpaat, USA-mi præsidentip illorsuani Det Hvide Husimi præsidentiuneq ataqqinartuusoq - kisianni uani qineqqusaarnermi ataqqinninneq soorluuna piujunnaarsimasoq, Hans Peder Kirkegaard oqarpoq.
Qinersisartut isumasiorneqarneranni kingullerni Demokraatit aamma Republikaanerillu qinersisartui amerlaqatigiiginnangajapput, oktoberimilu qinersisartut isumasiorneqarmata Clinton sioqqalluarpoq.
Qinersisartut isumasiorneqarnerisa agguaqatigiissinnerisa tamanna takutippaa, ismasiusitsisarfiup Real Clearip suliarisimasaani.
Aamma atuaruk :clintonip-trumpillu-innuttaasut-qinersivinnukaassoraat
- Apeqqutaassaaq Amerikami qinersisoqarnerani kikkut qinersiartussanersut taava taamaalilluni naligiilernerat Hillary Clintonimut iluaqutaassaaq, H P Kirkegaard oqarpoq, - Hillary ajorsalersoq paasigunikku qinersiartorratissapput, ajugaanissaanillu qulakkeerisut qinersiartoratik angerlarsimaannassagaluaramik Hans Peder Kirkegaard taama oqarpoq,
Aamma atuaruk :knr-ip-usa-mi-qinersinermut-atatillugu-aallakaatitsinini-annertusassagaa
