Folketingip Issittoq ukkatarinerulerpaa
Issittormi pillugu sinniisuutitat Issittumut tunngasunik Folketingimut ilisimatitsisartussat pilersinneqarput. Kunngeqarfiup nunallu allat Issittumi illersornissaq pillugu iliuusissatut pilersaarutaat immikkut sammineqassapput, soorlu aamma Issittumi avatangiisit silallu pissusia immikkut sammineqartassasut.
Nutaarsiassaqartitsivik Altinget Arktis taama allappoq.
AAMMA ATUARUK Danskit naalakkersuisuisa Kangerlussuaq ammatiinnarusuppaat
Issittoq pillugu Folketingi sinnnerlugu sinniisuutitat 300.000 koruuninik immikkut aningaasaliiffigineqarput. Folketingimi ataavartumik ataatsimiititaliat aningaasaliiffigineqartarnerannut tamanna assinguvoq.
Issittorli pillugu sinniisuutitat, Folketingimi ataatsimiititalianut allanut allaanerussutigaat ministereqarfimmut aalajangersimasumut attuumassuteqanngimmata, ministereqarfiilli tamaasa suleqatigisinnaallugit.
Folketingimi ilaasortat Atlantikup avannaaneersut sisamat tamarmik ilaasortaapput, taakkualu saniatigut Folketingimi ilaasortat allat qulit ilaasortaallutik. Savalimmiuni socialdemokratit sinnerlugit Folketingimut ilaasortaq Sjúrður Skaale siulittaasuuvoq, partiillu pingasut Alternativet, Liberal Alliance Nye Borgerligimeersullu sinniisuutitaqaratik.