Folketingimut ilaasortanngorlaat katersuupput

Ullumi ataatsimiinnermut taamaallaat pissutaavoq, inatsisini tunngaviusuni piumasarineqarmat, folketingimut qinersinerup kingorna ullut suliffiit nalinginnaasut aqqaneq-marluk qaangiunnerisigut folketingi katersuutissasoq - tassalu tamanna ullumikkuuvoq.

Ullumikkulli ataatsimiinneq sivikitsuinnaassaaq. Folketingimi sivisunerpaamik ilaasortaasimasutut Bertel Haarderip ataatsimiinneq ammassavaa. Tamatumunnga tulliullugu Mogens Lykketoft folketingimi siulittaasuugallartussatut siunnersuutigissavaa.

Taava Mogens Lykketoftip ullumikkut suliassatuarissavaa, ataatsimiititaliamik qinersinermik akuersissuteqartussamik pilersitsilluni qinersineq - aamma aqagu nalunaaqutaq ataatsimut folketingi imminut akueriniarluni ataatsimiissagunarpoq.

Folketingip ukiua marlunngorpat aallartissaaq - qularnanngitsumik nutaanik naalakkersuisoqarluni, tassa naalakkersuisunngortussat isumaqatigiissutaat sapaatiuppat saqqummiunneqassangatinneqarmat, ministerillu nutaat dronningimit ataasinngorpat akuerineqareerpata.