FN-ip nalunaarusiaani atuarfinni smartphoneseqaqqusinnginnissaq innersuussutigineqartoq
Smartphonesit atuarfinni inerteqqutaasariaqarput, atuarnermummi akornataasinnaapput, ilinniartitsinermilu akornutaasinnaallutik, soorlu aamma atuartut attaveqaatitigut pimmatigineqartarnerat pinngitsoortinneqarsinnaalluni.
Naalagaaffiit Peqatigiit ataanni suleqatigiiffik UNESCO nalunaarusiami taama innersuussuteqarpoq.
Tuluit aviisisa ilaat The Guardian taama allaaserisaqarpoq.
Smartphonesit pissutaallutik atuartut atuartitsinermi ilikkagaqarsinnaassusiat killeqartoq FN-ip nalunaarusiaani atuarneqarsinnaavoq. Atuartummi smartphonesinik isumalluuteqarpallaarnerat pissutaalluni misigissutsitigut nanertugaasutut misigisinnaalersartut FN-ip nalunaarusiaani inerniliunneqarpoq.
Ilinniartitaanikkut nunani tamalaani suleriaatsit 200-t UNESCO-p misissorsimavai. Nunat arfiniliugaangata ataaseq smartphoesit atuarfinni inerteqqutigisaraat FN-ip nalunaarusiaani nalilerneqarpoq.