Innuttaasut Folketingimi siunnersuuteqarsinnaanissaat aqqutissiuunniarneqartoq
Innuttaasorlu Folkemtingimi oqaaseqarsinnaassappat, Folketingimi aalajingiiffigisassatut siunnersuuteqarsinnaassaaq.
Taama isumaqatigiissuteqarnissaq Dansk Folkepartimit, Enhedslistenimit, Liberal Alliancemit, Alternativetimit, De Radikalemit De Konservativemiillu tapersersorneqarpoq.
Alternativetip politikkikkut oqaaseqartartua Rasmus Nordqvist naapertorlugu, partiit siunnersuut ukiarli oqaluuseraat.
- Politikkikkut ingerlatseriaatsip nutarterneqarnissaanut innuttaasullu akuutinneqarnerunissaannut iliuuseqarniarluta suliaqarnikuuvugut. Tamannalu partiinit allanit aamma soqutigineqalerpoq.
- Amerlanerillu tamat oqartussaaqataanerannut akuutsinneqarnissaannut ajornartorsiutit tamarmik soorunami aaqqinneqarnavianngikkaluartut iluamik alloriarneruvoq, Rasmus Nordkvist oqarpoq.
