Finn Karlsenip savalimmiormiut narrutsaatigai
Finn Karlsenip, oqarnera maliinnarlugu, isumaqatigiissut "narrutsaatigaa", Savalimmiullu aalisarnermut ministeriat toqqaannartumik oqaloqatigiumaniarlugu.
- Savalimmiut EU-p umiarsualiviini tulaqqusaajunnaarmata tapersersorpagut. Savalimmiut tamanna nalunngilaat. Taamaammat nunat taakku pingasut avaleraasartuut pillugit taamatut isumaqatigiissusiorsimanerat quarsaarnarpoq, naalakkersuisoq oqarpoq, savalimmiormiullu tungaannit 'paasiuminaatsumik pissusilersornertut' taallugu.
Finn Karlsenip taamatut nalunaaruteqarnera Naalakkersuisut siulittaasuata Aleqa Hammondip ippassigami oqaaserisaanut naapertuuppallaanngilaq, taannami oqarmat nunat allat isumaqatigiissutigisaat Kalaallit Nunaata akuersaaginnassagai.
Aleqa Hammond: Taamaammat avaleraasartuut pillugit isumaqatigiissut peqataaffiginngilarput
Finn Karlsenittaaq neriuutigaa EU-p aalisarneq pillugu kommissæria, Maria Damanaki, allatut eqqarsalerumaartoq. Taassumami avaleraasartuunik pisassiissutit 60.000 tonsinit 100.000 tonsinut qaffanneqarnissaannik Naalakkersuisut aalajangernerat ernumanartortaqartutut isigineraramiuk.
Nunatta avaleraasartoorniarnera EU-mit isornartorsiorneqarpoq
Kalaallit Nunaat misileraalluni avaleraasartoorniarneq maannamut ukiuni pingasuinnarni ingerlatereerpaa. Ukiuni tallimani aalaakkaasumik avaleraasartoorniareernermi nunatta nunatut avaleraasartoorniarfiusutut akuerineqarnissaa neriuutaavoq.