Finlandimi socialdemokraatit qinersinermi ajugaasut
Finlandimi socialdemokratit, SDP, Finlandimi inatsisartunut ippassaq sapaammi qinersisoqarnerani partiini annerpaanngorput.
Socialdemokraatit partiianni SDP-mi siulittaasoq Antti Rinne.
Allattoq Ritzau
apriilip 15-at 2019 09:09
Nutserisoq Mads Lynge
Partiili nunassiniartunik isorinnittup De Sande Finnerip qinersisai 6000-it missaannik taamaallaat ikinnerupput.
SDP 40-nik qinigaatitaqarpoq, De Sande Finner 39-nik qinigaatitaqartoq.
Partiit akornanni arlaannaalluunniit 20 procentinit sinnerlugilluunniit taaguunneqanngillat, tamannalu Finlandimi immikkut maluginiagassaalluni.
Qinersisartut pingajorarterutaasa missaat siumut qinersereerput, qinersinermilu inernerit ippassaq unnukkut saqqummiunneqarlutik. Socialdemokratit qinersinermi ajugaasuunissaat tassani ilimanarsilereerpoq.
Qinersisartut 72 procentii qinersiartorsimasut, kisitsisit Finlandimi inatsiseqarnermut ministereqarfimmeersut takutippaat.
