Assi: Miriam Dalsgaard

Filmiliornermik pikkorissaanerit akeqanngitsumillu filmertitsineq

Nuummi filminik soqutigisallit januaarip naanerani tamanut ammasumik unnukkut filmertitsinermut isiginnaariarsinnaapput.

Ilitsersuisartup Ole Christian Madsenip filmiliai marluk filmiliortartut peqatigiiffiata Film.gl-ip takutinniarpai. Ilitsersuisartoq unnuk taanna najuutissaaq isiginnaariallu apeqquteqarfigisinnaassavaat. Filmiliai Steppeulven aamma Flammen og Citronen takutinneqassapput.

Filmit takutinneqarnerisa akornanni Film.gl-ip ukiumoortumik nersornaasiuttagaa Innersuaq, inummut suliffeqarfimmulluunniit Nunatsinni filmiliornermut ukiup siuliani immikkut sunniuteqarsimasumut tunniunneqassaaq.

AAMMA ATUARUK Filmiliortartut nunanit tamalaaneersut Kangerlussuarmi naapeqatigiilersut

Ilitsersuisartoq Ole Christian Madsen filmiliornermik pikkorissaaniarluni Nuummiippoq, pikkorissaaneq "Talented Greenland"-imik, tassalu "Kalaallit Nunaanni piginnaanillit"-mik, qulequtaqarpoq.

Pikkorissaarnerit januaarip 28-ani 29-anilu ingerlanneqassapput, ilaasortallu peqataaniarunik Film.gl aqqutigalugu nalunaarsinnaapput.

Unnukkut akeqanngitsumik filmertitsineq nersornaasiinerlu januaarip 28-ani pissapput aaqqissuussinerlu Katuap inersuaaraani nalunaaqutaq 17.00-imit aallartissalluni. Tamanut ammassaaq isernerlu akeqarani, aaqqissuisut Film.gl-imeersut taama nalunaarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat