Filmiliortartut nunanit tamalaaneersut Kangerlussuarmi naapeqatigiilersut

Isumasioqatigiinneq filmiliortartut peqatigiiffiata film.gl-ip aaqqissussaraa Kangerlussuarmilu ingerlanneqassalluni. Nunani tamalaani filmiliortartut nunatta filmiliorfittut atuinerunissaat pingaarnertut sammineqassaaq.

Maannami issittumi filmiliortoqassatillugu, tamanna Islandimi Norgellu avannaani pisarpoq. Nunarpulli Kangerlussuarlu periarfissarpassuaqarput - nunataa assigiinngiiaartuvoq aqquserngillu pioreersut aamma pigineqarlutik, aaqqissuisut tusagassiorfinnut nalunaaruteqarlutik taama allapput.

Islandip nunani tamalaani filmiliortartunit filmiliorfigineqartarnerata Islandip aningaasatigut iluaqutigilluaraa film.gl-ip erseqqissaatigaa. Tamatumunngalu peqatigitillugu taamatut ineriartortoqarnera Islandimi filmiliortartunut aamma sunniuteqartupilussuuvoq, nunani tamalaani filmiliortarnerup pitsaassusiata qaffasseqataanik ingerlatsisinnaanngorsimammata.