Filmiliaq oqillissutaavoq
Filmiliortortartoq danskeq Regitze Wivel nunarput pillugu filmiliorpoq, atsikkaminik ”Menneskenes Land” kalaallisuunngortillugu Inuit Nunaat, filmiliaalu Nuummi Katuami ippassaq unnukkut takuteqqaarneqarpoq. Filmimik takutitsinerup kingorna oqillitsitsisoqarpoq, oqallinnermilu filmiliortumut isorinnillutik oqaaseqartut imaaginnavipput.
Filmiliaq avaanngunartutut isorinnittunit arlalinnit nalilerneqarpoq.
Inatsisartuni ilaasortaq IA-meersoq Johan Lund Olsen oqillittunut akuusoq oqarpoq nunatta namminersulerniarluni sorsunnera filmiliami ilaatigut takutinniarneqartoq, taamaattorli nunatsinni ajornartorsiuteqangaaratta tamanna puiguinnarsinnaagipput aamma paasitinniarneqartoq, taamalu isummerneq aggornartuusoq Johan Lund Olsen oqarpoq.
Regitze Wiwel erseqqissaavoq isiginnaariat qanoq tigusinerat tusarumallugu oqillinnermut tusarnaariarluni, erseqqissaatigaa nunarput pillugu isummertarnerit sapinngisani tamaat avaqqutaarlugit filmiliorniarsimalluni.
Filmiliaq Menneskenes Land isummernernik tunngaveqanngitsoq eqqortunilli tungaveqartoq, filimiliortoq erseqqissaavoq. Tamaattorli filmip atiata takutereerpaa taamaattumik filmiliussagaanni nammineq isummerneq avaqqunneqarsinnaanngitsoq.
