Filippinerit aallartitaat Nuummut tikeraartoq
Filippinerit aallartitaat Bayani S. Mercado sapaatit-akunnerani uani siullermeerluni Nunarput tikeraarpaa, Nuummilu piffissami septembarip qulinganit 14-ianut ataatsimeeqateqartassalluni.
Allattoq Simon Uldum -
septembarip 11-at 2015 06:59
Filippinerit aallartitaqarfiat Norgemi Oslomi inissisimasoq, filippinerit naalakkersuisuisa pisortatigoortumik Norgemi, Finlandimi, Islandimi, Sverigemi Kunngeqarfimmilu Danmarkimi oqartussaasunut attaveqarfiusarpoq.
Inuussutissarsiornermut, Suliffeqarnermut, Niuernermut Nunanullu Allanut Naalakkersuisup Vittus Qujaukitsup filippinerillu aallartitaata Mercadop ippassaq sisamanngornermi ataatsimeeqatigiinnerminni Filippinerit Kalaallit Nunaatalu suleqatigiinnerat eqqartorpaat.
Aallartitap Mercadop tikeraarnermini Aalisarnermut, Piniarnermut Nunalerinermullu Naalakkersuisoq Kart-Kristian Kruse aamma ataatsimeeqatigissavaa.
