Filippinerit nunatsinniittut amerlanerpaat tullerileraat
Nunatsinni innuttaasut agguaraanni filipinerisut passillit innuttaasut amerlanerpaat tullerileraat. Naatsorsueqqissaartarfimmit kisitsisit taama takussutissiipput.
Nationaldagen i Kolonihavnen 2016
Allattoq Kenneth Elkjær
maajip 02-at 2017 15:34
Naalagaaffeqatigiiffimmi innuttaasuni kalaallini rubiiatut qalipaatilimmik passillit soorunami eqimattat amerlanerpaartaraat. Tulliatulli inissisimasut maanna allannguuteqarput.
Innuttaasut Islandimiut eqimattut tulliattut, thailandimiut pingajuattut ukioq mannamut inissisimapput. Naatsorsueqqissaartarfimmiillu naatsorsuinerit kingulliit takutippaa, filipinerit eqimattat taakku marluk qaangersimagaat.
PAASISSUTISSAT Innuttaasut nunatsinneersut, Savalimmiuneersut Danmarkimeersullu tamarmik danskisut innuttaassuseqaramik eqimattami ataatsimi allassimapput.
Ukioq 2017-imi filipinerisut tunuliaqutallik 204-t Nunatsinniipput, 2016-imilu 162-iupput.
Islandiut 162-it thailandimiullu 161-it nunatsinni ukioq manna najugaqarput.
Sverigemeersut, Norgemeersut Tysklandimeersullu eqimattat tulliinniipput.
AAMMA ATUARUK Neriniartarfiutillip avataanit sulisoqarneq nuannaarutigaa
