VIDEO Neriniartarfiutillip avataanit sulisoqarneq nuannaarutigaa
Aalisakkanik suiffissuit kisimik ajornartorsitiginngilaat kalaallinik sulisoqarniarneq, KNR-ip tamanna sisamanngormat oqalutuaraa. Tassami neriniartarfiutilit aamma avataanit sulisussarsiortariaqartarput.
Neriniartarfimmik Hong Kong Pizzariamik Nuummiittumi piginnittoq Johan Peter Halsøe arlalinnik avataaneersunik sulisoqarpoq, sullarissuummatalu iluarusuutigai.
- Sulinertik paarilluartarpaat. Napparsimakulasuunngillat, piffissamillu paarsilluartuupput taama Qanoruumut oqarpoq.
Siusinnersukkut pingaartissimavaa kalaallinik sulisoqarnisani, kisianni amerlasuut piffissamik paarsisinnaannginnerarlugit. Taamaattumik allatut ajornartumik sulisussanik avataaneersunik pissarsiortariaqarsimalluni.
Ukiut marluk matuna siorna nerianiartarfimmut piginneqataalerpoq. Piffissallu iluani annertuumik sulisutigut taarseraaffiusimavoq, taakkulu sulisut marluk aalajaallutik sulisuusimallutik.
- Aallartikkattali kalaallit 64-it sulisorisimavagut, avataaneersut 3-it Johan Peter Halsøe oqarpoq.
- Avataaneerosq Kalaallit Nunaanut tikittarpoq suliartorluni, aggerfimmini pilersugassaqarput. Taamaattumik suliffitsik paarilluartarpaat, taama oqarpoq.
Ilanngutassiaq tamaat takusinnaavat Qanoruumi sulisoqarneq pillugu aallakaatitaami