Fergusonimi eqqissiviilliornermi aallaasersortoqarpoq
USA-mi illoqarfiit ilaanni Fergusonimi inuppassuit illoqarfiup qiterpasissuani ippassaq unnukkut katersuummata aallaasersortoqarpoq, angullu ataaseq peruluttut inaanni napparsimmavimmi unitsinneqartariaqarsimavoq.
Allattoq Ritzau
aggustip 10-at 2015 14:06
Nutserisoq Mads Lynge
Angutip taartumik amillip inuusuttup Fergusonimi politiimit ukiup ataatsip matuma siornatigut aallaaneqarneranut atatillugu eqqaaniaanermi aallaasersortoqarpoq.
Akerliussutsiminnik takutitsisut politiinit avissaartinniarneqaraluarput, taamaalisoqarneranilu aallaasersortoqarluni. Akerliussutsiminnik takutitsisut biilinik assersuiniarlutillu igalaanik aserorterinerat pissutaalluni politiilersortoqarpoq:
- Marloriarluni aallaasersortoqarpoq. Akerliussutsimik takutitsisoq aallaasersulerpoq, politiinillu aamma aallaaneqarluni. Taanna peruluttut inaanni maanna inissinneqarnikuuvoq, St. Louis Countymi politiit aqutsisuat Jon Belmar oqarpoq.
Politiit sisamat aallaasersortumut eqqaassisut sulinngikkallartinneqarput.
