Facebook unitsissiuk
Kristian Jeremiassen aalajangiisussaatitaasuuguni inerteqqutaalersissagaluarpai suliffiup nalaani "synes godt om"-inik, inuuissiortunut pilluaqqusiortuunnerit allallu profiiliinut oqaaseqarnerit.
Qaasuitsup Kommunia ukiup affaa siulleq missingersuutinut sanilliullugu 15 millioner koruuninik atuivallaarsimavoq maannalu sipaarniutissanik nassaarniartariaqalerluni.
Kristian Jeremiassen naatsumik oqaatigineqarsinnaasumik siunnersuutissaqarpoq. Tassalu suliffiup nalaani Facebookimik atueqqusiunnaarnissaq.
- Uani internetimik atuinermut taamaallaat sipaartussaanngilagut. Aammali sulisut suliffiup nalaani Facebook atortarsimappassuk taava sulinerup nalaani angumerisinnaasat amerlissapput, Kristian Jeremiassen oqarpoq.
Siunersuunni maanna borgmester Jess Svane-mut nassiutereersimavaa. Facebookili uani kisimi pineqanngitsoq Kristian Jeremiassen erseqqissaavoq eqqarsaatigineqarporli internetikkut takuniarneqarsinnaasut suliamut attuumassuteqanngitsut inerteqqutaalersinnissaat.
Aningaasanik atuivallaarsimaneq pissutigalugu utoqqaat innarluutillillu isumassorneqarnerat sipaarniarfigineqareerpoq.