Qalerallit suliarineqanngittut akitsuusernissaat akerlerineqaqaaq

- Siunnersuut sinerissami qanittumi qaleralinniarnermik equngasumik eqquissaaq, isumaqanngilagullu Nunatta karsianut isertinniarneqartutut naatsorsuutigisat anguneqarsinnaajumaartut, KNAPK, SIK GE-lu tusagassiuutinut nalunaarumminni ilaatigut taama allaaserisaqarput, akileraarusiiniarnerlu siammaqqullugu, qalerallit sineriassorluni tulaassanut tamanut akileraarutip eqqunneqarnissaa Naalakkersuisunut siunnersuutigalugu.

Aamma atuaruk Qaleralinnik akitsuusiinissaq Andap illersoraa

Inuussutissarsiummik ingerlataqartut ilisimasaat qisuariaataallu aallaavigalugit kattuffiit siunnersuuteqarnerarput, Naalakkersuisullu tamanna tusaaniassagaat neriuutigineqarluni:

- Taamatummi pisoqanngippat Naalakkersuisut siunnersuuteqassammata Nunatta aningaasaqarniarneranut, suliffissaqartitsiniarnermut inuussutissarsiornermilu ingerlatsisuusunut unammillersinnaassuseqartumik tuniniaavinni periarfissaannut ajoqusiisussamik, kattuffiit ilaatigut taama allaaserisaqarput.

- Politikerit qitiutillugu sammisassaat tassaasariaqarpoq agguaassinermi politikki taavalu tuninaaviusuni ingerlasut akuliuffiginagit isumannaarumallugu ataatsimoorluta aalisakkatigut pigisatta inuiaqatigiinnut annertunerujussuarmik isertitsissutaanissaat, KNAPK, SIK kiisalu sulisitsisut GE, tusagassiuutinut ataatsimut allagaqaateqarput.

Aamma atuaruk Akitsuusiineq tulluartuusoq Siumut isumaqarpoq

Aamma atuaruk IA: Naalakkersuisut oqaaseqaatigisamik killormoortuanik iliuuseqarput

Aamma atuaruk Aalisartut siulittaasuat akitsuusersuiniarnermik iluarisimaarinninngilaq