EU-p puisit amii pillugit paasititsiniaannginnera Inuit Silap isornartorsiorpaa

Tamanna pivoq, kommissionip nittartakkani paasissutissanik inuit ilanngunneqannginnerat pillugu EU-mi aalajangersakkamut tunngasunik taamaallaat ilaartorsimammagu.

Paasisitsiniaanikkut Europami pisisartut puisit amiinik pisisinnaallutillu tuniniaasinnaanerannik qaammarsaaffigineqartussagaluarput. Tamanna EU-mi inatsisartut Kommissioniminnut piumasaraat.

Kisialli taamaaliunngitsut, Rasmus Holm Inuit Silamiit oqaaseqartartoq isumaqarpoq.

Aamma atuaruk EU-p puisit amii pillugit paasititsiniaanera danskit politikeriinit isornartorsiorneqartoq

- Puisip amiinik eqqusseqqusiunnarnermi pisisartut tatiginnikkuunnaarnerat illuanut saateqqineqassasoq EU-mi inatsisartut siunertaraat. Taamaammat Kommissioni Europami inuttaasunut qaammarsaanermik suliaqartitsissussanngorpoq, aammalu puisit ami nagguteqartigiinnit inunnik pisaasut inerteqqutaannginnerinik oqartussat attuumassutillit paasissutissiissallutik. Kisianni tamakua kommissionip oqaluttarneratut pissanngillat, Rasmus Holm KNR-imut oqarpoq.

Aamma atuaruk Kalaallit puisit amiinik EU-mut tunisisinnaanerat atuutiinnassaaq

Naak puisit amii naggueqatigiit Inuit pisaanneersut EU-mi inerteqqutaannginnerat ilaatigut ilaasortaasut ilanngaaserisoqarfiinut nalunaarutigineqarsimagaluartoq, puisit amiisa atuisuni tusaamanerlunneqarnerat  ajornartorsiutit annersarigaat, Inuit Silamiit isumaqarput.

- Oqartussaagaluarutta Europami pisartunut qaammarsaarujussuassagaluarpugut, mattussinermut ilanngunneqannginnermik siammasinnerusumik ilisimasaqalerniassammata. Taamaalillutalu pisisartut tatiginnissusaat iluarsiivigisinnaallugu, kalaallillu puisittaasa amiinik avammut tuniniaaneq iluarsseqqillugu, taamaalinikkullu piniartuunerup attatiinnarneqarnisssa periarfissillugu.