EU-mi sakkutuut europameersut nunatsinniinnissaannik EU-mi ataatsimiitsitaliami siulittaasup isumaliuutigeqqugaa
Siunissami nunat EU-meersut sakkutuuisa Kalaallit nunaannut inissinneqarnissaat naapertuilluarnerussaaq.
EU-mi sakkutooqarnikkut ataatsimiititaliami (EUMC)-mi siulittaasoq, Robert Brieger, tyskit aviisiannut Welt am Sonntag-imut arfininngornermi saqqummertussamut apersorneqarnermini taama oqarpoq.
- Uanga issiavinniik isigissagukku Amerikarmiut sakkutuuisa Kalaallit Nunaannut inissinneqannginnissaat -soorlu massakkut taamaattoqartoq, naapertuilluarnerunngilaq, aamma siunissaq eqqarsaatigalu EU-mi sakkutuut Kalaallit Nunaannut inissinneqarsinnaanerat isumaliuutigineqartariaqarpoq, Brieger oqarpoq.
Piviusunngussappalli politikkikkut aaliangiiffigineqartariaqarpoq, generali Østrigimi inunngorsimasoq erseqqissaavoq.
Ilisimaneqanngilarli sakkutuut suut suliarissagaat, aammalu kikkut sakkutuut pinerai EU-mimi ataatsimoorussamik sakkutooqanngilaq , illersornissamullu politikkeqarani. Akerlianilli atlantikoq qulaallugu NATO illersornissaqarfik pioreerpoq.
EUMC tassaavoq Det europæiske Råd-mi sakkutooqarnermik allaffik qaffasinnerpaaq. Ataatsimiititaliaq ilaatigut EU-mi nunat ilaasortat illersornissamut pisortaannik sulisoqarpoq.
Brieger-miit nalunaarut pivoq Donald Trump-ip erseqqissaatigereeraalu Kalaallit Nunaata inissisimavia Amerikap illersornissaanut pingaaruteqarluinnartoq.
Kalaallit Nunaallu EU-mi ilaasortaanngikkaluartoq europamiut amerikkarmiullu Kalaallit Nunaannut soqutiginninnerat imaaginnavippoq, Briegerillu aatsitassat, iliuusissatullu pilersaarutit soqutigalugit taama innersuussivoq.
- Sermersuaq silap pissusaata allanngorneranik aakkaluttuinnarpoq, Ruslandip Kinallu tamanna periarfissatut isigisinnaavaat, generali oqarpoq.
USA sorsunnersuup aappaanili sakkutooqarfeqarpoq Kalaallit Nunaanni, Danmarkip akuerinikuusaaani.
Ullumikkut amerikkarmiut ataasiinnarmik Kalaallit Nunaanni illersornissaqarfeqarput Pituffik Space Base-mi. Tassa Kalaalit Nunaata kitaata avannaaniittumi, siornatigut Thule-base-mik taasartagaanni. Tassani radareqarpoq misillinik saassussinermi kalerrisaarisinnaasunik.
Danskillu illersornissaqarfiat aamma Kalaallit Nunaanniippoq ilaatigut, umiarsuarnik, timmisartunik, qimussimillu aamma Siriusikkut upalungaarsimasarput. Danmarkimi illersornissaqarfik nittartakkamini allappoq, Danskit illersornissakkut oqaluttuarisaanermi 1700-kkunnili aallartissimasoq.
