Sondre Slettemark junior EM-rtoqarnerani 8-nngorpoq
30 sekundtit.
Kalaaleq Sondre Slettemark Juniorini Biathlonimi Tysklandimi EM-ertoqarnerani ajugaasumiit taamak qanitsigaaq.
Nunatsinni Biathlonnertartut Kattuffiat taama tusagassiorfinnut nalunaarummi allappoq.
20-nik ukiulik Slettemark aallartinnerliulaaraluarpoq.
Aqqummi unamminartumi unammineq pissanganarluinnartumik ingerlanneqarpoq. Sondre Slettemark 1,5-km-terereernermini nr. 55-miippoq. Aallaariarnermi siullermi eqqorniagassaq ataaseq uniorpaa, uniornerminilu kaajallattariaq 150 meterinik takissuseqartoq (tassa 22 sekundit missaanni ingerlasassaq kaajallaqqaarpaa)
Marloriarlunili uniornermini kaajallattariaq 22 sekundtinik sivisussusilik sekundtinik annaasaqarfigaa.
Kingullermeernermilu sukkanerugaluarluni siulliit angunngitsoorpai, 8-tullu inissilluni. Tassa 1-nngortumiik 30 sekundtinik kingulliuvoq, 3-nngortumiillu 16 sekundtinik kingulliulluni.
” Naak unamminerup inernera naammagisimaartorujussuugaluarlugu uggornalaarpoq taamak siulliusumiit qanitsigaluni. Isumaqarpunga ingerlalluarlunga, aqqulli manngerpallaanngilaq tassanilu atorluaanerusimasinnaagaluarpunga, Sondre Slettemark taama oqarpoq.
