EU-mi avissaartuuttoqalernissaata kingunipiloqarsinnaanera Ukrainep mianersoqqussutigigaa

Ukrainep EU-mut ilaasortanngorsinnaanissaanik isumaqatigiinniartoqalersinnaanera EU-mi sapaatit akunnerata massuma ingerlanerani isumaqatigiissutigineqarsinnaanngippat, tamanna kinguneqarnerlussinnaanera Ukrainep ernummatigaa.

Ukrainep nunanut allanut tunngasunut ministeria, Dmytro Kuleba, nunanut allanut tunngasunut ministerit Bruxellesimi ataatsimiinnissaannut atatillugu ataasinngornermi taama oqarpoq.

- Tamanna takorloorsinnaanngilara, taanna nutaarsiassaqartitsivik Reuters naapertorlugu oqarpoq.

- Det Europæiske Rådip tamanna pillugu aalajangersinnaannginnerata kingunerisinnaasai eqqartorumanngilakka, Kuleba ilaatigut oqarpoq.

Atorflittat amerlasuut EU-mi nunanut allanut tunngasunut ministerit Bruxellesimi ataatsimiilinnginneranni ernumapput.

Putin har ikke opnået et eneste af sine mål i Ukraine

Ukrainep aningaasatigut ikiorserneqarnissaa uani pilersaarutigineqarpoq, Ukrainellu EU-mut ilaasortanngornissaanut isumaqatigiinniarnerit aallartissinnaanissaannut ataatsimiinnermi matumani aqqutissiuisoqarniarluni. Ungarnilli ministeriunerata Viktor Orbánip siunnersuutinik marlunnik taakkuninnga itigartitsiniarpoq.

Europami atorfilittat isumaqarput Orbánip siunnersuutinut illuatungiliinermigut tamanna isumaqatigiinniarnerni sakkutut atorniarai.

Ungarnimi inatsisit tunngavigalugit naalakkersuisoqarneraalluni EU-p Ungarnillu akornanni aaqqiagiinngissuteqartoqarnera pissutaalluni ikiorsiissutit milliardilikkuutaat Ungarnimut mattunneqarsimapput, aningaasaliissutinullu taakkununnga ammaasoqarsinnaanissaa Orbánip neriuutigigaa taakku isumaqarput.

Ukrainep Ruslandimut sorsunnermi siuariartornissaata neriuutiginninnerata ilaannakortumik iluatsitsiffiunerata nalaani Bruxellesimi ataatsimiittoqassaaq.

Ukrainep ikiorserneqarnerunissaa pillugu USA-mi inatsisartuni aamma isumaqatigiinngissutigineqarpoq.