Erngup nukinga Nuummi atorluarneqarpoq
Tamanna Naaja Nathanielsenip paragraf 37 naapertorlugu pinngortitamut avatangiisinullu naalakkersuisumut apeqqateqaataata akineqarnerani erserpoq.
Akissummi allassimavoq, Nukissiorfiit ullumikkut Nuummi quuleqarneq tamaat kiisalu Nuummi illorssuit kiassarnerat ilarujussua erngup nukinganik innaallagissiornikkut innaallagiassaqartinneqartut.
Ukiullu qulit quungiuppata Utoqqarmiut Kangerluarsunnguani erngup nukinganit qulliit suli innaallagiassaqartinneqassasut, kisiannili kiassarnerup innaallagiassaqartinneqarnera annikinnerussasoq, Nukissiorfiit ilimagaat.
Ullumikkut Utoqqarmiut Kangerluarsunnguani erngup nukinganik innaallagissiorfiit pingasuupput, sisammernissaanullu inissaqarani.
Taamaattorli tasersuaq imartoorsuusoq, taamaammallu qaartiterinikkut innaallagissiorfimmut inissaliortoqarsinnaasoq oqaatigineqarluni.
Nukissiorfiit innaallagissamik sipaarsinnaaneq eqqarsaatigalugu suliniuteqarpoq. Ilaatigut inissiaatileqatigiiffiit suleqatigalugit inissiarsuarni kiassarneq eqqarsaatigalugu nukissamik atuilluarneq sammineqarsimalluni.
Aammattaaq nunat avannarliit suleqatigalugit Nukissiorfiit biilitik innaallagiatortunik taarsernissai pilersaaruteqarput.
