Erik Jensenip RAL nammineeqquaa
Erik Jensenimmi Royal Arctic Linep nammineq aaqqiissuteqarnissamut suliniutaasa sunniutissai utaqqimaarniarallarlugit allappoq.
Ukioq 2017 Royal Arctic Linemut suli amiilaarnartuuvoq. IT-kut atortut nutaat assartuinerup ingerlanneqarnerani kukkuluttortitsisarput, ilutigitillugulu apuinerit aamma ingerlatsivimmik kinguaattoortitsisimallutik.
Pitsaanerulinngilarlu KNI'p pisortaanerata sapaatip akunnera qaangiuttoq umiarsuaatileqatigiiffik isornartorsiorujussuarmagu, tassuunalu erseqqissarlugu inoqarfinnut avinngarusimasuniittunut ukiornissaanut pilersuiniarnerit ajornartorsiutaanerat.
AAMMA ATUARUK KNI-p RAL qatsutivippaa
Aasalermalli juulillu qaammataani ajornartorsiutit qaffasinnerpaaffianni Naalakkersuisut umiarsuaatileqatigiiffimmi Namminersorlutik Oqartussat pigisaanni ajornartorsiutit pillugit oqaaseqarsimanngillat.
Royal Arctic Linemi pisortaaneq Verner Hammeken ataatsimeeqatigereerlugu maanna Erik Jensen qisuariaateqarpoq RAL-imullu tatiginninnini oqaatigalugu.
- Royal Arctic Linemit pitsanngorsaatissatut siunniussat anguneqarnissaat tatigilluinnarpara. Uanga naalakkersuisoqarfinnilu suleqatikka ineriartorneq malinnaaffigeqqissaarparput, piffissallu sivisunngitsup iluani malunnaatilinnik pitsanngortoqarnissaa naatsorsuutigalugu.
Umiarsuaatileqatigiiffiup RAL-ip ukiumut pilersuinerit eqqanaarneqarnissaat pillugit KNI oktobarip 31-ianni 2017 ataatsimeeqatiserisimavaa.
AAMMA ATUARUK KNI-p RAL qatsutivippaa
