Erik Jensen Aki-Matilda Høgh-Damip ilaasortaajunnaarnera qisuariarfigaa

Allaaserisap qulequtaaraa paatsoornarsinnaammat iluarsivarput. Kukkunerput ajuusaarutigaarput. 

Aki-Matilda Høgh-Damip Siumumit ilaasortaajunnaarnini pisortatigoortumik ippassaq nalunaarutigaa.

Politikkikkut siunissaq siunissani pillugu sapaatip-akunnerata siuliani oqaaseqareerluni taama nalunaaruteqarpoq.

Partiimilu siulittaasoq Erik Jensen ilaasortaajunnaarnera pillugu uppernarsaavoq, ilanngullugu folketingimi ilaasortap, partiimi oqaluttuaannanngornera uppernarsarlugu. 

- Siumup uppernarsassavaa, Aki-Matilda Høegh-Dam partiimit ilaasortaajunnaassalluni toqqarsimammagu. Aalajangerneq taanna pissuteqarunarpoq, inuttaata Siumup anguniagai tunngavileeqataaffigisinnaajunnaarsimagamigit, ilaalluni Nunatta namminiussuseqarnissaanut anguniagaq ataatsimeersuarnermi tamarmiusut tunuliaqutsersimasaat, Erik Jensen tusagassiuutinut nalunaarummi allappoq.

Naalagaaffinngorusussuseqanngitsoq

Nunatta namminiussuseqarnissaanut anguniagaq Aki-Matilda Høegh Damimit apeqqusersorneqareerpoq, sammisarlu taanna isumaqatigiinngissutaavoq.

Sapaatip-akunnerata siuliani Aki-Matilda Høegh Damip aamma Kuno Fenckerip  Erik Jensen namminiussuseqarnissaanut anguniagaqannginnerarlugu oqaaseqarput.

Taama oqaaseqartoqarnera eqqunngitsuuneranik nalunaarummi ersersinniarneqarpoq.

- Siumup tunngavimmigut pingaartitaraa, inuit ataasiakkaat akunnitsinni naalakkersuilissanngitsut. Ataatsimoortussaavugut, peqatigiilluta politikikkut aalajangersagassagut ingerlallugit aamma anguniagassatsitut aalajangersarsimasavut ataqqillugit.  

Inuit ataasiakkaat partii aqussanngilaat

Erik Jensenip Kuno Fenckerimut oqaatigeriikkani uterpai, tassa partiimi inuit ataasiakkaat aqutsisuussanngitsut:

-Siumup tunngavimmigut pingaartitaraa, inuit ataasiakkaat akunnitsinni naalakkersuilissanngitsut. Ataatsimoortussaavugut, peqatigiilluta politikikkut aalajangersagassagut ingerlallugit aamma anguniagassatsitut aalajangersarsimasavut ataqqillugit.  

- Siumut unigani Nunatta siunissaa pillugu nangittumik sulissaaq, peqatigiillutalu anguniagassatsitut aalajangersarsimasavut aalajangiusimallugit. Partiitsinni Aki-Matilda Høegh-Damip sulisimanera qujassuteqarfigaarput siunissamullu ajunnginnerpaamik kissaallugu, Erik Jensen tusagassiuutinut nalunaarummi allappoq.