Air Greenland silarlunnera pillugu: Eqqugaanerloqaagut
Angalasussat 600-t missaaniittut naqitsiniisaffimmit eqqugaaqqapput, anoraa sakkortooq ullumi nunatta qeqqanut ingerlaaqqippoq. Helle Pedersen oqaluttuarpoq.
Angalasussalli ilaat ullumi apuunneqarsinnaasimasut taanna oqarpoq.
AAMMA ATUARUK Silarlunnera Air Greenlandimut suli akornusersuutaasoq
- Avannaanukartut tunumukartullu eqqaassanngikkaanni, ulluni tulliuttuni angalasut apuunneqassapput. Taava ullumikkut taamaatinneqartut, Tasiilamukartut, Upernavimmut Qaanaamullu taakku tallimanngorpat arfiningorpallu apuussorneqassapput. Eqqaalaarsinnaavara aamma ullumikkut Nuuminngaaniit Paamiut aqqusaarlugu Narsarsuarmut timmisartuussissuugu taavalu Kangerlussuarminnganniit Narsarsuarmut aamma ingerlaartoqarluni.
Pisarnermit eqqugaasoqarnerusoq
Helle Pedersenip oqarnera naapertorlugu Air Greenlandip angallassiniarneranut tunngatillugu silarluk annertuumik sunniuteqarpoq.
- Ippassaq silarlungaatsiarnikuugami taavalu silaannaap unerisimannginera qerinnarneralu, timmisartuussinissatsinnut unamminartorujussuusimavoq. Taamaammat nalinginnaasumik eqqugaasarnitsinniit eqqugaasut amerlanerupput. Taavalu timmisartuussinerit aallarteqqinnissaat unamminalaarsimavoq,
Helle Pedersenip oqarnera naapertorlugu Airbussi ullumikkut Kangerlussuarminngaaniit Københavnip tungaanut aallarnissaa kinguartinneqaqqippoq. Unnugu Kangerlussuarminngaaniit nalunaaqutaq 23:30 aallarfissaqalerluni.
