Eqqartuussiveqarfiit 40 mio. koruuninik aningaasaliiffigineqarput

Kalaallit Nunaanni eqqartuussiveqarfiit ukiuni tullittuni sisamani ukiumut 10 million kr-nik immikkut aningaasaliiffigineqarnissaat danskit naalakkersuisuisa siunnersuutigaat.
Assi © : Blogtrepreneur/Flickr Creative Commons
aggustip 31-at 2017 12:02

Tamanna takuneqarsinnaavoq, danskit naalakkersuisuisa aappaagumut aningaasanut inatsimmut siunnersuutaanni, taanna ullumi saqqummiunneqarpoq.

Siunnersuutigineqartoq naapertorlugu aningaasat agguataarneqassapput Namminersorlutik Oqartussat suleqatigalugit,  innuttaasut toqqissisimanissaannut iluaqutaasussaat.

AAMMA ATUARUK Inatsisinik atuutsitsinermut tunngasut nukittorsarnissaat itigartitsissutigineqartoq

Danskit naalagaaffiata Kalallit Nunaanni eqqartuussiveqarneq suli oqartussaaffigivaa.
Danskit naalakkersuisuisa anguniagassatut nalunaarutiginikuuaat, danskit oqartussaaffii Kalaallit Nunaanniitut pitsaassusiat Danmarkimisulli pitsaassuseqassasut,  taamaattorli Kalaallit Nunaanni atugassartitaasut pissutigalugit allaanerussassasut, danskit naalakkersuisuisa siunnersuutaani taama allassimavoq.  

Aningaasaqarnermut ministerip Kristian Jensenip danskit naalakkersuisuisa siunnersuutaat folketingemi partiinik isumaqatiginniutigisussanngorpaa.

AAMMA ATUARUK IA-p siunnersuutaata tapersersorneqarnissaa qularnartoq

AAMMA ATUARUK Danmark akisussaasuuvoq

AAMMA ATUARUK Inatsisitigut innarlitsaalisaaneq equngasortaqartoq