Kunngiusimasoq Konstantin toquvoq

Dronning Margrehep ningaava dronningip nukaata Dronning Anne-Mariap uia Greekerit kunngerisimasaat Konstantin 82-nik ukioqarluni ippassaq toquvoq.,

Greekerit tusagassiorfii arlaqartut, nutaarsiassaqarfiit AFP-ip aamma Reutersip issuarpaat.

Konstantin anersaartorniarnerminik ajornartorsiorluni perulummat arfininngormat napparsimmavimmut unitsinneqarpoq.

Tassunga atatillugu Greekerit tusagassiorfii arlaqartut allaaserisaqarput, Konstantin angerlarsimaffimminni iluaallersimasoq.

Konstantin 24-nik ukioqarluni Grækenlandimi kunnginngortinneqarpoq, 1964-miillu 1967 tungaanut kunngiuvoq, Grækerit sakkutuuini officerit uppititsillutik pissaanerminik tigusinerisa tungaanut.

Konstantin sakkutuut officeriinik uppititseriaraluarpoq iluatsinnaguli.

Konstantin grækenlandimilu dronningiusimasoq Anne-Marie 1964-imi septemberip qaammataani katipput, 1967-miillu qimaasutut inuullutik.

Grækenlandimi tamat oqartussaaqataanerat atuutilerseqqinneqarmat, innutaasut 1974-mi taasitinneqarput .

Taasisitsinermi   aalajangerneqarpoq grækenlandimi kunnngikkormioqarneq atorunnaarsinneqassasoq, Konstantinilu kunngiujunnaarluni,

Kunngiusimasoq Konstantin dronningiusimasorlu Anne-Marie ukiut ingerlanneranni Rom-imi London-imi Grækenlandimilu najugaqartarput

Konstantinip qimatarai, nuliani Anne-Marie meeqqatik tallimat ernuttatillu qulingiluat.