Efterskolernianut AFS-ernianullu KNI aningaasaliiniartoq
KNI-ip sulisumi meeraat efterskolerniartut AFS-ilu aqqutigalugu nunanut allanut atuariartorniartut aningaasaleeqataaffigisalerniarpai, inuusuttut pingasut efterskolerniartut, inuusuttullu pingasut AFS aqqutigalugu nunanut allanut atuariartorniartut, ilaannakortumik tamakkiisumilluunniit aningaasaliiffigineqarsinnaassasut oqaatigineqarluni.
KNI-p pisortaanera Peter Grønvold Samuelsen tusagassiuutinut taama ilaatigut nalunaaruteqarpoq:
- Nuannaarutigalugu nalunaarutigissavara sulisuvut tuusintit missaanniittut qitornamik efterskolerniarnerannut AFS-iluunniit aqqutigalugu ilinniariarniarnerannut ilaannakortumik tamakkiisumilluunniit tapiiffigineqarnissaminnik qinnuteqarnissamut maanna periarfissaqalerput. Aningaasat immikkoortinneqartut efterskolernianut pingasunut AFS-ilu aqqutigalugu atuariartorniartunut pingasunut atugassiaapput, Peter Grønvold Samuelsen oqarpoq, nangillunilu:
- Inuusuttut KNI-p siunissami atorfissaqartilluinnaqqissaagassarimmagit taama iliorpugut. Suliffeqarfiup siunissamini pisariaqartitaanut inuusuttut avaqqunneqarsinnaanngillat, tassalu inuusuttut avatitsinni najugaqarlutik misiliisimasut taamalu nunatta avataani pisunik malinnaasut pineqarlutik, KNI-p pisortaanera Peter Grønvold Samuelsen oqarpoq.