Dunkelfolket Nuummi ullumi isiginnaartitsilersut
Kiinarpalerlutik aliikkusersuisartut Aalborgimeersut Dunkelfolket Nuummi Brugsenip saavani nalunaaqutaq sisamanut tallimat tungaannut aliikkusersuissapput.
Inuit 14-it kiinarpalerlutik assigiinngitsunillu atisalersimallutik aliikkusersuissapput, kiinnarpallu Kirsten Gitz Johansenimit sanaajupput. Kirsten Gitz Johansenip isiginnaartitsisartoqatigiit Tuukkakkut isumassarsiorfigisarsimanerarpai.
Tamanna kiinarpani Dunkelfolketikkullu oqaluttuarisaaneranni takuneqarsinnaavoq. Tumerparpaartoqassaaq, kalaallillu oqaluttuatoqaat aallaavigalugit ilaatigut aliikkusersuisoqassalluni.
AAMMA ATUARUK Aalborg Nuummi ulloqartinneqalersoq
Meeqqanik paaqqinnittarfiit assigiinngitsut Dunkelfolketikkunnit ulluni tulliuttuni pulaarneqartarumaarput.
Aalborg illoqarfittut ikinngutitut ukiuni 40-ni malunnartinniarneqartarnikuuvoq, paarlakaajaallunilu malunnartinniarneqartarnikuulluni.
Aalborgip borgmesteria Thomas Kastrup-Larsen maanna Nuummiippoq, Aalborgip ikinngutitut malunnartinniarneqarnerani peqataassalluni. Politikkikkut inuussutissarsiornermullu tunngasunut aamma workshopertitsisoqarumaarpoq.