Dronningi: Nalliuttorsiorneq isumaatsuliornerullunilu soqutigittaanneruvoq

Dronning Margrethep tv-kkut oqalugiarnermini coronavirus Danmarkimut ”tikeraatut ulorianartutut” taavaa, danskillu tamarmik oqartussat innersuussutaanik malinninnissaat ataatsimoornerujussuarniinnginnissaallu kaammattuutigalugu:

- Kaammattuuteqarnera inuusuttunut kisimi soorunami tunnganngilaq. Ukioqqortunerusoq eqimattani angisuuni ataatsimoortut suli takuneqarsinnaapput. Ilaat allaat suli nalliuttorsiortarput, nalliutsitsisarlutillu, dronning oqarpoq.

AAMMA ATUARUK Coronavirusimik Danmarkimi toqqutillit sisamaasut tunillatsissimasullu 960-iusut

Taamaaliortoqarsinnaanngissoraara.

- Isumaatsuliorneruvoq. Siullertut soqutigittaanneruvoq.

Danmarkimi ministeriunerup suliutit assigiinngitsut Danmarkimi coronavirusimik tuniluuttoqarneranut annikillisaaniarnerusut saqqummersereeraalu dronning oqalugiaateqarpoq.

Errortorluartarlusilu qanillinaveersaaritsi

Politiit tamanut ammasumik katersuutsitsinerit qulinit amerlanerusunit peqataaffigineqartut politiinit pingasunngornermit unitsinneqarsinnaalertut suliniutit ilagaat. Tamanna illup iluani silamiluunniiit aaqqissuussinerugaluarpata atuuppoq.

Dronningip oqaluafnermini oqariartuutini ilungersorpaluttumik nipeqartut isertuutinngilaa:

- Ulluni makkunani qanoq iliortarnerput qanorlu pisiniartarnerput pissutsit ineriartorneranut pingaaruteqarsinnaavoq. Taamaammat unnummut maani issiavunga.

AAMMA ATUARUK Ilisimatuut coronamut akiuussutissaasinnaasoq siulleq inummut misiliutigigaat

Taassuma peqqinnissaq pillugu oqartussat innersuussutai oqalugiarnermini uteqqippai.

- Oqartussat innersuussutaat ajornaatsorujussuupput: Asalluaritsi. Ungasillisimaaritsi. Attugaqarnaveersaartsi. Angerlarsimaannarit.

Dronning Margrethe oqarlugiaatini innuttaasunut kajumissaaruteqarluni naggaserpaa.

- Ernumanerpoq pissusissamisoorpoq, piffissami imaannaanngitsumi nutaamik ataatsimut neriuummik pilersitsisa. Nunatsinni inuit ataasiakkaat tamarmik neriuuteqartunut eqqarsaatinniipput, dronning oqarpoq.