Dronningip prins Henrik Rigshospitalimi pulaaqqippaa
Nutaarsiassaqartitsiviup Ritzau Scanpixip assiliisuata tamanna uppernarsarpaa. Kunngissakkut meeraallu prins Henrik ullumi siusinnerusukkut aamma pulaarpaat.
Prins Joachim nuliilu prinsesse Marie meeraasalu prins Henrik aamma pulaarput prinsesse Athenalu, prins Joachimillu erneri marluk allat prins Nikolaj prins Felixilu aamma pulaarput.
AAMMA ATUARUK Kunngikkormiut prins Henrik Rigshospitalimiittoq pulaarpaat
Prins Henriup qatanngutai marluk allat aamma Danmarkilialerput, qatanngutertik Rigshospitalimi pulaarniarlugu. Ekstra Bladet taama allaaserisaqarpoq.
Prins Henriup qatanngutai Étienne de Monpezat Jean-Babtiste de Monpezat Danmarkiliarniartut Ekstra Bladetip allaaseraa.
- Qatanngutiga peruluppoq, annerusumilli ilisimatinneqanngilagut, qatannguterput Christine taamaammat pulaarpoq, qatanngutigalu kingusinnerusukkut aamma tikikkumaarpoq, Étienne de Monpezat Ekstra Bladetimut taama oqarpoq.
Prins Henriup qatanngutaata Catherine de Monpezat-p qatanngutini sapaatip-akunnerata massuma naanerani aamma pulaarpaa.
AAMMA ATUARUK Prins Henriup napparsimanera ajornerulersoq
/ritzau/