Prins Henriup napparsimanera ajornerulersoq
Prins Henrik, Igitsinimiillatsiareernermi kingorna Rigshospitalimut januaarip ulluisa 28-anni unippoq.
Kunngissaq Frederik, Korea Kujallermi ukiuunerani OL-ertoqarnissaanut atatillugu PyeongChangimiikkaluarpoq, Danmarkimulli utertoq Kunngikkormiut nalunaarutigaat.
Kunngikkormiut paasissutissanik sukumiinerusunik suli peqanngitsut namminneq nalunaarutigaat.
AAMMA ATUARUK Prins Henrik puammini tinuneqartoq
Kunngissap Frederiup OL-ip aallartinneranit naanissaanut najuunissaa pilersaarutaagaluartoq, kunngikkormiut qanittukkut nalunaarutigaat.
OL-ip ammaanersiorneqarnera nunatta nalunaaqutaa arfineq-pingasunut aallartittussaq Kunngissaq Frederiup isiginnaartussaagaluarpaa, unammiuaarnerillu assigiinngitsut aamma isiginnaartussaagalugit. Kalaallit Danskillu peqataatitaat taakkununnga ilaallutik.
Sisamanngormat erfalasuliisoqarpoq, Dannebrogilu amuneqarmat kunngissaq isiginnaarpoq. Nunat hunnorujulikkaat OL-imut peqataasussat erfalasuisa amuneqarnerannut tamanna ilaavoq.
Kultureqarnermut naalakkersuisup, Doris Jakobsenip, illoqarfimmut OL-erfiusumut PyenongChangimut ulluni siullerni pingasuni tapersersuiartorniarluni nalunaarutigereerpaa.
