Dronning Margrethe Kristeligt Dagblads Prisimik nersornaaserneqassasoq
Danskit nuna tamakkerlugu aviisiliortuisa ilaata Kristeligt Dagbladip ukiumut nersornaasiuttagaat, ukiormanna Dronning Margrethemut tunniunniarpaat.
Nationalmuseumimi nerersuaaqatigiittoqalerpat novemberip ulluisa 26-anni nersornaat tunniunneqassaaq.
Inoqatinut suliffeqarfinnut oqaluffeqarnermiluunniit tapersersuilluartoq aamma tunniusimalluartut nersornaasigassatut toqqaasoqartussaatillugu isiginiarneqartarput.
Droning ukiortaamut oqalugiaammini dronninngisut tunuarnini nalunaarutigaa, taamanili tusagassiortunut sassaqqinngilaq, nersornaasiisoqalerpalli iluatsillugu apersorneqarnissi akuerisimavaa.
Issiavissaarsuani ernimi angajullermut kunngi Frederimmut januaarimi tunniuppaa.
Maannamut Dronning Margrethe angerlarsimaffimmini septemberimi uppikkamili napparsimasutut nalunaarutigineqarpoq. Kunngikkormiulli ullorsiutaat naapertorlugu tusagassiortunut sassarumavoq.
