Dronning Elisabethip Attenborough nersornaaserpaa
Avatangisiinik pinngortitamillu illersuiniartup Sir David Attenborough-p, pinngortitaq pillugu nangeqattaartuliani "Blue Planet II" nersorneqaatigaa, dronning Elisabethimit nersornaaserneqarluni.
Nunarsuarmi immat plastikkimit mingutsinneqaleraluttuinnarnerat Attenboroughp nangeqattaartuliaani ilaatigut oqaluttuarineqarpoq.
AAMMA ATUARUK Piffissaarutilerpugut
Attenborough, tuluit dronningiattut 93-inik ukioqartoq, Chatham House-p nersornaasiuttagaanik nersornaaserneqarpoq.
Attenborough, pinngortitaq pillugu BBC-mi tv-kkut 1960-ikkunnili aallakaatitassiortartut akornanni ilisimaneqarnerpaavoq, pingaaruteqarnerpaattut aamma ilisimaneqarluni.
Attenboroughp aallakaatitassiai assigiinngitsut Danmarkimi tv-kkut aallakaatinneqartarnikuupput.
AAMMA ATUARUK Plastic not so fantastic: Tupannartorujussuuvoq!
Aallakaatitassiaq "Blue Planet II" nunani tamalaani oqallitsitsingaatsialerpoq, immat mingutsinneqarnerisa politikkikkut iliuuseqarfigineqarnissaat piumasarineqalerluni.
Aallakaatitassiaq nunarsuarmi tv-qarfinnit assigiinngitsunit kingorna pisiarineqarpoq.
Sir David Attenborough, Tuluit Nunaanni angutini nersunarnerpaajusutut isigineqartoq, YouGovip siorna 2018-imi isumasiuinerata takutippaa, dronning Elisabethilu arnani nersunarnerpaalluni.