Dorisip ungasianiit ilinniartut ilinniarnermusiaqalersinnissaat neriorsuutigigaa
Taama isornartorsiorneqarneq ilinniartitaanermut naalakkersuisup, Doris Jakobsenip maanna qisuariarfigaa ungasianiillu ilinniartut ilinniarnermusiaqartissinnaanerlugit, taamatullu siusinnerusukkut suliat itigartitsissutigineqarsimasut qaqeqqinneqassasut oqaatigalugu.
AAMMA ATUARUK Naalakkersuisut ungasianit ilinniartunut ilinniagaqarnersiutinik itigartitsisarnerat isorineqartoq
Ilinniarfinnut qinnuteqarsimagaluarlutik ullumikkut ilinnialersimanngitsunut ungasianiit ilinniarneq piukkunnartuusoq, Doris Jakobsenip oqaatigaa.
Aningaasartuutit amerlassusiat eqqarsaatigigaanni ilinniakkat pitsaassusiannut ungasianiillu ilinniartut qanoq pissarsiaqartartiginersut nalornisutigigamikku,
ungasianiit ilinniarnermut tapiissuteqartarsimanatik, Naalakkersuisut nassuiaapput.
Ungasianiimmi ilinniakkat akisuvoq, ilinniarnerup ilaani ilinniarfimmiinnissaq ilaakkajummat, ilinniartut arlaleriarlutik ilinniafimmukartariaqartarmata.
Ilinniartitaanermut naalakkersuisoqarfiup GUX-ip ungasianiit ilinniarnertut neqeroorutigineqalersinnaaneranut periarfissat misissorai, Naalakkersuisut ilanngullugu oqaatigaat.