Naalakkersuisut ungasianit ilinniartunut ilinniagaqarnersiutinik itigartitsisarnerat isorineqartoq
Anaanaasup panimi HF-imi e-elearning aqqutigalugu ilinniarnerminik ingerlatsinissaminut ilinnigaqarnersiutinik itigartitaasimaneranik naammagittaalliuteqarnerata kingorna, Inatsisartut Ombudsmandiat taama isornartorsiuivoq.
Ilinniartitaanermut, kultureqarnermut, ilisimatusarnermut ilageeqarnermullu naalakkersuisoqarfik ilinniakkanut ungasianit ingerlanneqartunut, aamma E-learningimik taaneqartartunut, nalinginnaasumik ilinniagarnersiuteqartitsineq-ajorpoq. Tamannalu isornartorsiorneqarpoq.
Ungasianit ilinniakkanut ilinniagaqarnersiutinik nalinginnaasumik itigartitsinissaq Ombudsmandip inatsisitigut tunngavissaqarsorinngilaa.
- Uanga paasinninnera unaavoq Naalakkersuisut ungasianit ilinniartitsinernik ataatsimut ilaatitsinnginnermikkut “malittarisassanik aalajangersaanissamut” Inatsisartunit piginnaatinneqarsimanngitsut.
Tamatumunnga taarsiullugu naalakkersuisoqarfiup ilinniakkat ungasianit ilinniarneqarsinnaasut ataasiakkaarlugit isummerfigisariaqarpai, Ombudsmandi taama oqaaqqissaaruteqapoq, tamatumunngalu peqatigitillugu naammagittaalliuteqartup paniata ilinniagaqarnersiutinik qinnuteqaataata suliareqqinneqarnissaanik naalakkersuisoqarfik kaammattorlugu.
Ombudsmandip oqaaseqaataa uani takuuk.
