Dorisip Socialdemokraatit ilumoorfiginiarpai
Siumumeersoq, Doris Jakobsen, Socialdemokraatit aasaanerani ataatsimiinneranni ulluni makkunani peqataavoq, qallunaallu partiiannut aquttuusumut inuulluaqqussut, Siumut sinnerlugu Doris Jakobsenip apuuppaa.
Doris Jakobsenip oqalugiarnermini naalagaaffiup ataatsimut isigalugu - Socialdemokraatit Kalaallit Nunaannut annertusiartortumik samminninnerat - iluarisimaarpaa. Inatsisinik atortitsinermut ministerip, Morten Bødskovip, Kangerlussuarmi utaqqiisaasumik inissiisarfimmik ammaanissamik nalunaaruteqarnera, illersornissamullu ministerip, Nick Hækkerupip, Kalaallit Nunaanni illersornissakkut annertusaanissamik neriorsuuteqarnera, aamma iluarisimaarnerarpaa.
Doris Jakobsenip oqarnera naapertorlugu, kalaallit kissaataat Socialdemokraatinik suleqateqarnermi malunnartumik annerusumik tusaaniarneqarput,
- Taamaammat erseqqissaatigaara, naalakkersuisut uppiseriarneqassappat Siumup peqataanavianngitsoq - kissaatigivarput suleqatigiinnissaq- aamma Socialdemokraatit aquttuutillugit - massakkut aamma siunissami!, Doris Jakobsen nalunaarpoq.
