Donauimi umiarsuit apornerat Orbanip qulaajaaffigitinniaraa
Inuit arfineq marluk ajunaarsimasut tallimanngornermi ullaakkut nalunaarutigineqarpoq.
Allat 21-t ujaarineqarput. Arfineq marluk annapput.
- Tupannarpoq, Ungarnimi ministeriuneq Viktor Orbán oqarpoq, erseqqissaatigalugulu peqqissaartumik misissuisoqarnissaa kissaatigalugu.
Ikaartaat aporneqartoq, takornarianik Sydkoreaminngaaneersunik ilaasoqarpoq, Ungarnimiunillu marlunnik inuttaqarluni.
Ajunaarnerup nalaani videuliarineqartumi takuneqasinnaavoq ikaartaat takornarianik ilaasoqartoq aamma umiarsuaq takornarianik angallassisoq sanileriillutik ikaartarfik qanilliartoraat.
Angallatit taakkua marluk imminnut kallussaapput, ikaartaallu takornarianik ilaasoqartoq sekuntit arfineq marluk ingerlanerinnaani kivivoq.
Ungarnimi oqartussaasut siusinnerusukkut nalunaarutigivaat, ajunaarneq pinerluttuliornertut misissuiffigineqartoq.
/ritzau/Reuters
