ASSIT Donald Tuskip nunatsinnut tikeraarnerani ullut aappaat
![](/sites/default/files/styles/image_934x467/public/article_images/img_3510.jpg?itok=qZ9eUg54)
![](/sites/default/files/styles/image_934x467/public/article_images/img_3509.jpg?itok=m79ojoNZ)
![](/sites/default/files/styles/image_934x467/public/article_images/img_3557.jpg?itok=QDEKctWA)
![](/sites/default/files/styles/image_934x467/public/article_images/img_3563.jpg?itok=0D7Og_RI)
![](/sites/default/files/styles/image_934x467/public/article_images/img_3520.jpg?itok=-jIiAIMu)
![](/sites/default/files/styles/image_934x467/public/article_images/img_3519.jpg?itok=QNAYrOZz)
![](/sites/default/files/styles/image_934x467/public/article_images/img_3511.jpg?itok=VQwaNxrN)
![](/sites/default/files/styles/image_934x467/public/article_images/img_3514.jpg?itok=-2QEBeNp)
![](/sites/default/files/styles/image_934x467/public/article_images/img_3506.jpg?itok=FRzLkSEJ)
![](/sites/default/files/styles/image_934x467/public/article_images/img_3515.jpg?itok=0vtZeQFd)
![](/sites/default/files/styles/image_934x467/public/article_images/img_3517.jpg?itok=QYKwt_fW)
Nalunaaqutaq 7:30 Ilulissat talittarfianit aallarput, Ilimanamullu 15 kilometerisut isorartutigisumik angalanerminni EU-p præsidentia Donald Tusk ilulissanik qanimut takunissaminut periarfissaqarluarpoq.
- Kalaallit Nunaanni tikeraarninnit misigisakka tamaasa nuannareqaakka, EU-p præsidentia Donald Tusk KNR-imut oqarpoq.
Nunaqarfimmi 55-inik inulimmi Kim Kielsenip Lars Løkke Rasmussen Donald Tuskilu angalaaruppai.
Aamma atuaruk Nuimasunik tikeraartoqarneq politiit piareersimaffigaat
RealDania ikiortigalugu Ilimanami illutoqqat nutarterneqalersimapput. Neriuutigaallu siunissami takornariat Ilulissat kujataanut nunaqarfimmut tikittalerumaartut.
Donald Tuskillu suliniut nersualaarpaa.
- Nunaqarfimmi atugarisat qanoq ajornakusoortigineri nalungilara. Aalajangeriataallaqqissuserli tunniusimanerlu pisuullutik Kalaallit Nunaanni aamma periarfissaqarpoq. Misigisaq immikkuullarilluinnartoq.
Aamma atuaruk Silap pissusiata allanngoriartornera takornariartitsinermut sunniuteqarsinnaasoq
Danmarkip ministeriunerata Lars Løkke Rasmussenip nunaqarfiit Ilimanatut ittut takornarianik tikinneqartarnissaat anguniarlugu ineriartortinneqarsinnaanerannik periarfissaqarsoraa.
- Ilimanamut takornariatut utersinnaanissara takorloorsinnaavara. Iluliarasaartumik isikkivilimmi najugaqarluni, kalaallit nerisassaataannik pitsassuarnik nerisaqarluni. Taamaattumik Kalaallit Nunaata siunissaanut takorniariaqarneq ilaavoq, ilaannarigaluarpaa tassami aalisarneq suli pingaaruteqaqigami, Lars Løkke Rasmussen oqarpoq.
Ilimanap katersortarfiani ulloqeqqasioriarlutik Ilulissanut uterlutik aallarput, Ilulissiarnerminnilu politikkerit taakku pingasut tusagassiortunit malinnaaffigineqarnatik oqaloqatigiissinnaallutik.
Aamma atuaruk Tusk Ilulissanut tikippoq
Donald Tuskip nunatsinniinnera sivikikkaluaqisoq misigisaqarfigilluaqaa.
- Inuuninni nuannernerpaat ilaat, EU-p præsidentia Donald Tusk qiimmatsassimaaqisoq oqarpoq.
Aamma atuaruk Tuskip sermip aakkiartornera alakkarpaa