Nuimasunik tikeraartoqarneq politiit piareersimaffigaat
![Kim Kielsen Kim Kielsen](/sites/default/files/styles/image_934x467/public/article_images/img_3449.jpg?itok=DKE-fQ77)
Illoqarfimmi nunat allat siuttuinik allanik siornatigut tikeraartoqartarpoq.
- Soorunami immikkut ittuuvoq, misilittagaqarfigereerparpulli, aamma illoqarfinni allani. Politiit amerlannginnatta, Danmarkimi suleqatitsinnut naleqqiutissagutta arlaatigut aaqqissuussisoqaratarsinnaanera annertuneruvoq.
Carl Sværd, Ilulissat politiivini politikommissæriugallartoq taama oqarpoq.
Politiit qanoq amerlatigisut sulitinneqarnersut oqaatigisinnaannginnerarpaa.
Aamma atuaruk Tuskip sermip aakkiartornera alakkarpaa
Taamaattorli Parisimi Københavnimilu siorna peqqarniisaarniartoqarnerata kingorna sillimaniarnermut siooranarsinnaasut pillugit allanngortoqarsimanera isertuunneqanngilaq.
- Sillimaniarnerup qaffasissusaanut tunngatillugu soorunami aamma uatsinnut sunniuteqarpoq, Københavnimili ingerlanneqarsimagaluarpat taqqavani sillimaniarnerup qaffasissusaanit annerunngilaq.
Ilulissat politiivini politikommissæriugallartoq suleqatitsinnut Jonas Fievémut taama oqarpoq.
Politikkikkut siuttut pingasuusut Kim Kielsen, Lars Løkke Rasmussen aamma Donald Tusk nunaqarfik Ilimanaq Ilulissat eqqaaniittoq ullumi tikeraassavaat. Silap pissusiata allanngoriartornera Nunatsinnut qanoq sunniuteqarnersoq, EU-p puisip amiinik inerteqquteqarnera kiisalu Nunatsinni ineriartortitsinikkut suliniutit oqaluuserissavaat.