Silap pissusiata allanngoriartornera takornariartitsinermut sunniuteqarsinnaasoq
![world of Greenland i Ilulissat world of Greenland i Ilulissat](/sites/default/files/styles/image_934x467/public/article_images/img_3425.jpg?itok=QMcEnfXz)
World og Greenlandimit taama oqaatigineqarpoq, taamaattumillu aamma EU-mit isiginiarneqalernera nuannaatigaat.
- Isiginiarneqalernera pitsaalluinnartuusoraara. Silap pissusiata allanngoriartornera soorunami nunarsuarmi tamarmi atuuppoq, maanili Ilulissani tigussaanerusumik takuneqarsinnaavoq, Rikke Abraham Callesen, World of Greenlandimi, Ilulissani takornariartitsinermik suliaqarfiusumi angallassisartuusoq taama oqaluttuarpoq.
Upernajaartarnera qimussiussisarnermut akornutaasoq
Upernajaartalernera illoqarfimmut sunniuteqarpoq, aamma ukiukkut issippallaarunnaartalerpoq.
- Assersuutigalugu, qaammat kingulleq qimussiussinissaraluit arlallit taamaatiinnartariaqarpagut. Siorna sivisunerusumik qimussiussisinnaagaluarpugut.
Aasaanerani takornariaqarnerpaaffiunerata nalaani ullut tamaasa inuit 35-t 70-illu akornanniittut Eqip Sermianut, Ilulissanit kilometerinik 80-inik ungasitsigisumut angallanneqartarput, sermerli ukiut tamaasa ilorparteriartuinnartarpoq.
- Maannakkorpiaq naluarput qanoq sivisutigisumik taamatut takornariartitsisarsinnaassanerluta, sermeq takuneqarsinnaassappat. Ilisimatuut ilaat oqarput ukiut marlussuit, allallu ukiut 20-t.
Takornariartitsineq pinngitsoorneqarsinnaanngitsoq
Ilulissani takornariartitsineq inuussutissarsiutaalluarpoq, taamaammat Rikke Abraham Callesen naapertorlugu, silap pissusiata allanngoriartornera inuit pilersitaat piffissaagallartillugu isiginiarneqarnerusariaqarpoq.
- Pinngortitarsuaq alianaatsoq takutissallugu, taamaaginnartussaannginneralu inunnit eqqarsaatigineqartariaqarnera pingaaruteqarsoraara, Rikke Abraham Callesen World of Greenlandimeersoq taama oqarpoq.