Donald Trump Kim Jong-unilu naapittussanngortut
Korea kujalliup atorfilittanik aallartitai Præsidentip Illorsuanut tikeraartut taama ilisimatitsipput.
Donald Trumipip "Koreap qeqertaasaani atomimik sakkussiorfiunngitsumik pilersitsinissaq siunertaralugu Kim Jong-un naapinniaraa", aallartitat oqaatigaat.
Korea avannarliup siuttuata naapinnissamut qaaqqusissutaa akuerisimallugu Donald Trumpip uppernarsarpaa, nutaarsiassaqartitsivik Reuters taama allappoq.
Qaqugu sumilu naapissanersut kingusinnerusukkut aalajangerneqarumaartoq, Præsidentip Illorsuanit nalunaarummi atuarneqarsinnaavoq.
Taamatut nalunaaruteqarnerani Korea avannarliup USA-llu iligisaatalu akornanni tamaviaarnartumik saqitsaannermi isummat taamaalillutik allanngoriataarput.
Korea avannarleq 2017-ip ingerlanerani nunarsuarmioqatigiit piumasaat Naalagaaffiit Peqatigiinnilu aalajangersaanerit soqutiginagit atomimik qaartartulianik raketsinillu arlaleriarluni misileraavoq.
Koreamili kujallermi qaammat kingulleq ukiuunerani OL-ertoqarneranut atatillugu Koreami naalagaaffiit marluusut qanillattulerput.