DJ: Tusagassiuutit kiffaanngissuseqarnerannut sunniuteqarsinnaavoq
- Tusagassiutinut tapiissutip allannguiniarluni suliarineqarsimanera kusanarpallaarsimanngilaq, Tusagassiortut atuartagaannut, Journalistenimut saqqummersartumut taamma oqarpoq.
Nunatsinni tusagassiortut peqatigiiffiata TP-p tusarniaanermi tapiissuteqarnermi Naalakkersuisut aalajagiullugu periaaserineqartoq aamma isornartorsiorpaa.
AAMMA ATUARUK Tusagassiuutinut tapiissutinik aaqqissuussineq nutaaq GE-p mianersoqqussutigigaa
Aaqqiissuteqarnermi naluneqanngitsutut aviisini suliaqartarnermiit suliniutinut tapiissutinngortinneqarpoq. Suliniutigineqartunut tapiissutit ataatsimiititaliamit naalakkersuisut toqqagaannit akuerineqartassapput. Tamannalu akulerutinnginnissamut tunngaviusumut periaatsimut akornusiisinnaavoq. Tamannalu Lars Wergep isumaqatigaa.
-Tusagassiuutinut tapiissuteqartarnerup akuerineqarnissaa atorsinnaanngilaq, naalakkersuisummi tusagassiorfiit sorliit taperneqassanersut kikkullu taperneqassannginnersut aalajangersinnaanngussammassut. Tamannalu tusagassiuutit kiffaanngissuseqarnerannut sunniuteqarsinnaavoq, tamannalu Kalaallit Nunaanni pisariaqartinneqanngilaq, danskit Tusagassiortut peqatigiiffianni siulittaasoq isumaqarpoq.
AAMMA ATUARUK Tusagassiiviup tapiissutit narrugigai
Lars Wergep erseqqissaatigaa Kalaallit Nunaanni qajannaattumik kikkunnilluunniit qilersorsimanngitsumik tapiiffigineqartariaqartoq.