Disko Linep bilitsit atorneqartussaagaluit taamaatiinnarniarai

Disko Line aqqutigalugu arfinnngorpat marsip ulluisa 21-aniit ulluni 14-ini tulliuttuni angalanissaraluit tamaasa taamaatiinnarneqarput, angaasallu angalasussaagaluanut utertinneqassallutik.
Nunatsinni aamma nunatsinniit nunatsinnullu angalaneq tamarmi tallimanngorpat unnukkumiit ulluni 14-ini tulliuttuni unitsinneqarallarmat taamaatitsiinnarlunilu aningaasanik utertitsissaaq.
Allattoq Ivik Kristiansen
marsip 19-at 2020 08:18

Bilitsit Disko Line aqqutigalugu marsip ulluisa 21-ata apriilillu ulluisa sisamaata akornanni angalanissamut atorneqartussaagaluit taamaatiinnarneqassasut aningaasallu utertinneqassasut, Disko Linep tusagassiutinut nalunaarutigaa.

Marsip ulluisa 21-ata apriilillu ulluisa sisamaata akornanni angalasussaagaluit bilitsii akitsuutitaqanngitsumik utertinneqarsinnaanissaat allanngortinneqarsinnaanissaalluunniit, Disko Linep siusinnerusukkut nalunaarutigigaluarpaa.

AAMMA ATUARUK Nuuk matuvoq: Nalunaaqutaq 16:00-imiit ima ilioqqusaanngilatit

Bilitsilli piffissami pineqartumi angalanissamut atorneqartussaagaluit taamaatiinnarneqarnissaat, Disko Linep maanna nalunaarutigaa.

Tallimanngorpat unnukkumiit angallassiunnaarallassasoq

Aningaasat utertinneqarnissaasa sapaatip-akunnerinik arfinilinnik sivisussuseqarsinnaanissaa sillimaffigeqquneqarportaaq.

Angallassinermik matusigallarneq sivitsoqqinneqassanersoq suli nalunarmat bilitsit piffissami qulaani atorneqartussaagaluit taamaatiinnarneqarput, aningaasallu tassa utertinneqassallutik.

Disko Line tallimanngornermi marsip ulluisa 20-anni angallassisinnaassaaq, marsilli ulluisa 21-annit apriilip ulluisa sisamaata tungaanut angallassinngikkallassalluni, tamannalu aamma sivitsorneqarsinnaassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq