Inuussutissarsiutit

Disko Linep angallassisarnini ikilisarpai

Angalatitseqatigiiffik Disko Line sullissinerminik ataasinngorpamiit millilerivoq. Angalanissamik taamaatitsisut, akiliutitik utertissinnaavaat.
Disko Linep nunaqarfinnut illoqarfinnullu angallassisarnini ikilisarpai, Naalakkersuisut pisariaqanngitsumik angalaqqusinnginnerisa kingorna
Allattoq Jaaku Lyberth
marsip 15-at 2020 19:24

-  Taamatut aalajangertoqareernerata kingorna, Disko Linemi aalajangerpugut, ilaasussat angalanissartik taamaatikkusukkunikkit , akileraarutitaqanngitsumik taamaatitsisinnaasut, Disko Linemi  pisortaq Noelle Simoud taama oqarpoq.

 Disko Line aqqutigalugu angalanissaminnik marsip 31-at tikillugu pisisimasut akileraarutitaqanngitsumik utertitsisinnaanerat angalatitsivimmit periarfissinneqartut, Noelle Simoud oqarpoq .

Naalakkersuisut Nunatsinniit nunatsinnullu angalanerit pisariaqavissuunngitsut tamarmik pinaveersaartinneqarallarnissaannik inassuteqaateqarnerisa kingorna tamanna pivoq.  

AAMMA ATUARUK Danskit naalakkersuisuisa coronavirusi unitsinniarlugu killeqarfiit matugaat

Tamanna  Disko Linep angallassinerinut aamma allatigut |sunniuteqarpoq.

Tassami illoqarfinnut nunaqarfinnullu angallassisarnini akuttunerulersikkai, Noel Simoud oqarpoq. 

- Disko Line atorlugu angalasut sapinngisamik ikinnerpaat eqqugaanissaat Disko Linemit anguniarneqarpoq, Noel Simoud oqarpoq. 

AAMMA ATUARUK Futsal GM pissaaq coronamut ernumasoqaraluartoq

Angalasussat qanoq amerlatigisut eqqugaasimanersut angalatitsivimmit oqaatigisinnaanngilaa.

Angalanissamut killilersuineq angalatitsiviup aningaasaqarneranut qanoq kinguneqassanersoq oqaatigiuminaatsoq, pisortaq oqarpoq, pisariaqanngitsumik angalaqqusinnginneq qanoq sivisutigissanersoq ilisimaneqanngimmat.

Aamma atuaruk